to view this page in Khmer or need to លោក ហ៊ុន សែន ប្រកាសឧ្យគណបក្សនានា ត្រូវត្រៀមទទួលស្គាល់លទ្ធផលនៃការបោះឆ្នោតដែ
0 Comments
អ្នកគំនូរជីវចល សក្រវាទ័
មេដឹកនាំគណបក្សនយោបាយនានា ដែលកំពុងត្រៀមរៀបចំ បោះឆ្នោតតំណាងរាស្រ្ត ក្នុងអាណត្តិទី៤ ឆ្នាំ២០០៨ ខាងមុខនេះ បានភ្ញាក់ផ្អើល និង មានប្រតិកម្ម ចំពោះការ ប្រកាសរបស់នាយករដ្ឋមន្រ្តី តេជោ ហ៊ុន សែន ចង់ឲ្យគណបក្សនយោបាយនានា ត្រៀមខ្លួន ទទួលស្គាល់លទ្ធផលនៅក្រោយការ បោះឆ្នោតនេះ។
នៅក្រុមប្រឹក្សាអភិវឌ្ឍន៍កម្ពុជា លោកតេជោ ហ៊ុន សែន បានប្រកាស នៅថ្ងៃពុធថា៖ «យើងក៏ត្រៀមឈ្នះ ហើយយើងក៏ត្រៀមដើរចេញដែរ ក្នុងករណីចាញ់! ព្រោះអាហ្នឹង យើងត្រូវគោរពលទ្ធផលបោះឆ្នោតទាំងអស់គ្នា។ ហើយគណបក្សដទៃ ក៏ត្រូវត្រៀមទទួលស្គាល់លទ្ធផលនៃការបោះឆ្នោតដែរ» ។
លោក សម រង្ស៊ី មានប្រតិកម្មថា៖ «គណបក្សមួយចំនួនអត់អាចជឿទុកចិត្តបានហើយ អ៊ីចឹង គាត់ប្រកាសឲ្យគេទទួលស្គាល់មុននូវអ្វីដែលមាន... តើធ្វើយ៉ាងម៉េចដើម្បីធានាថា ប្រជាពលរដ្នមានសិទ្ធិសេរីភាពពេញលេញអត់មានការគំរាមកំហែង អត់មានការលួចបន្លំ អត់មានការទិញសន្លឹកឆ្នោត ដូច្នោះយើងត្រូវរង់ចាំមើល ទង្វើជាក់ស្តែងរបស់គណៈកម្មាធិការជាតិរៀបចំការបោះឆ្នោត» ។អ្នកនាំពាក្យរបស់ គណបក្ស នរោត្តមរណឫទ្ឋិ លោក មុត ចន្ថា មានប្រតិកម្មថា៖ «កាលពីឆ្នាំ១៩៩៣ ដែលគណបក្សប្រជាជនចាញ់ឆ្នោត លោក ហ៊ុន សែន ខ្លួនឯងផ្ទាល់ គំរាមបានដឹកនាំធ្វើអបគមន៍ បញ្ជាឲ្យធ្វើអបគមន៍ដើម្បីប្លន់យកអំណាចពាក់កណ្ដាលពីគណបក្សដែលឈ្នះឆ្នោត»។
Labels: នាយករដ្ឋមន្រ្តី, បោះឆ្នោត
0 Comments:
Post a Comment
<< ទំព័រដើមវិញ