Close-CamboSix រៀបចំបញ្ចប់អាជ្ញាប័ណ្ណក្រុមហ៊ុន Cambo Six

1 Comments

រដ្ឋមន្ត្រីក្រសួងសេដ្ឋកិច្ចរៀបចំបញ្ចប់អាជ្ញាប័ណ្ណក្រុមហ៊ុន Cambo Six

ដោយ គឹម ពៅ [វិទ្យុអាស៊ីសេរី]
2009-02-25

រដ្ឋមន្ត្រី ក្រសួងសេដ្ឋកិច្ចនិងហិរញ្ញវត្ថុ លោក គាត ឈន់ ឲ្យដឹងនៅព្រឹកថ្ងៃពុធនេះ ថា លោកកំពុងរៀបចំបញ្ចប់អាជ្ញាប័ណ្ណក្នុងការធ្វើអាជីវកម្មបនល្បែង ភ្នាល់បាល់ដែលធំជាងគេបង្អស់នៅក្រុងភ្នំពេញ ឈ្មោះ Cambo Six នៅថ្ងៃនេះហើយ។

មានប្រសាសន៍បន្ទាប់ពីកិច្ចប្រជុំជាមួយនឹងអង្គការ UNDP នៅក្រុមប្រឹក្សាអភិវឌ្ឍន៍កម្ពុជា (CDC) លោក គាត ឈន់ បានបញ្ជាក់ថា លោកនឹងចរចាឲ្យតម្លៃទៅលើការបញ្ចប់ការធ្វើអាជីវកម្មមុនកំណត់ដែល ត្រូវធ្វើជាចាំបាច់នេះ ហើយលោកកំពុងតែចាត់វិធានការបន្ថែមទៀតក្នុងការបិទបនល្បែងស៊ីសង គ្រប់កន្លែង មិនថាល្បែងកន្ទុយលេខ និងការភ្នាល់ទាំងឡាយតាមរយៈម៉ាស៊ីនអេឡិចត្រូនិច។

លោក គាត ឈន់ បានបញ្ជាក់ថា ៖ «កំពុងតែនិយាយជាមួយគ្នា ប៉ុន្តែបញ្ចប់ហើយ ខ្ញុំទៅបញ្ចប់ឥឡូវហ្នឹង ខ្ញុំមិនទាន់ស៊ីញ៉េ ខ្ញុំបញ្ចប់ថ្ងៃហ្នឹង ហើយមានមួយទៀតមិនទាន់ចេញឈ្មោះផង កន្លែងលេងល្បែងមួយនិយាយប៉ុណ្ណឹងហើយវានៅឲ្យខ្មែរចូលលេងទៀតក៏ បិទដែរតែរកឃើញ»។

វិធានការបន្ទាន់ក្នុងការបញ្ចប់អាជ្ញាប័ណ្ណរកស៊ីបនល្បែងភ្នាល់ បាល់ឈ្មោះ Cambo Six និងការរកស៊ីបនល្បែងខ្នាតមធ្យមឯទៀតៗ និងវិធានការមួយទៀតក្នុងការបញ្ឈប់ការផ្តល់អាជ្ញាប័ណ្ណដល់ការរកស៊ី បនល្បែងស្លុតម៉ាស៊ីននៅកម្ពុជា បានធ្វើឡើងបន្ទាប់ពីការព្រមានខ្លាំងៗជាថ្មីម្តងទៀតរបស់លោកនាយក រដ្ឋមន្រ្តី ហ៊ុន សែន កាលពីថ្ងៃអង្គារកន្លងទៅ ក្រោយពីការសង្កេតឃើញថា ពលរដ្ឋខ្មែរជាច្រើននាក់បានលង់ខ្លួននៅក្នុងអំពើឧបាយមុខនេះ។

លោកនាយករដ្ឋមន្ត្រីបានថ្លែងបកអាក្រាតថាមានអំពើពុករលួយ ឃុបឃិតគ្នារវាងអាជ្ញាធរមូលដ្ឋានជាមួយនិងមន្រ្តីអ្នកមាន បណ្តាស័ក្តិក្នុងការបើកបនល្បែង ហើយលោកនឹងបកស័ក្តិចំពោះមន្រ្តីទាំងឡាយណាដែលនៅតែបន្តឲ្យបើកបន ល្បែង។

លោកនាយករដ្ឋមន្ត្រីបានមានប្រសាសន៍ថា ៖ «Cambo Six ដូច២០១១អស់ហើយ បិទគ្រវាត់ចោលបណ្ដោយ ប្រកាសពីឥឡូវហ្នឹងឲ្យហើយគ្មានបន្តអាជ្ញាប័ណ្ណអីទេ ឯអាពួកនៅសេសសល់នេះមិនគោរព បិទចោល។ អំពើហិង្សាក្នុងគ្រួសារ អាលួច អាប្លន់ មកពីអាហ្នឹង ឥឡូវដាក់វាមួយប៉្រាវទៀតមើល និយាយមិនស្ដាប់ រើបៗ ថាឲ្យធ្វើដូចភ្លៀងរលឹម វាមិនដូចភ្លៀងរលឹមឥឡូវហ្នឹងវារាំង រាំងខែវស្សាបណ្ដោយអានេះ ក្បាលរឹង ហើយកុំថាមានបង្អែក បង្អែកប៉ុណ្ណាក៏ដោយខ្ញុំប្រាប់ឲ្យហើយ លោកឯងមិនធ្វើធ្លាក់ខ្លួនលោកឯង លោកឯងសុខចិត្តទេ លោកឯងយកខ្ញុំធ្វើបង្អែករឿងអ្នកឯង លោកឯងខ្លាចបង្អែកផ្សេងទៀត ព្រោះបង្អែករបស់ខ្ញុំស៊ីញ៉េ លោកឯងអស់ស័ក្តិ ខ្ញុំប្រាប់»។

លោកថ្លែងបន្ថែមទៀតថា លោកមិនខ្វាយខ្វល់អំពីការបាត់បង់ចំណូលពន្ធរដ្ឋក្រោយពីការបិទបនល្បែងស៊ីសងនេះឡើយ។

បនល្បែងភ្នាល់បាល់ធំជាងគេបង្អស់ឈ្មោះ Cambo Six ដែលកំពុងប្រឈមមុខក្នុងការបញ្ឈប់មិនឲ្យធ្វើអាជីវកម្មតទៅទៀតមាន សាខាចំនួនជាង២០កន្លែងនៅក្នុងក្រុងភ្នំពេញ។

ប្រភពពីក្រសួងសេដ្ឋកិច្ចនិងហិរញ្ញវត្ថុបានអះអាងថា ក្នុងមួយឆ្នាំៗគេអាចប្រមូលពន្ធពីបនល្បែងមួយនេះបានប្រហែល១លាន ដុល្លារ។

សូមជម្រាបជូនថា ការបញ្ជាឲ្យបិទបនល្បែងពីសំណាក់នាយករដ្ឋមន្ត្រីមិនមែនធ្វើឡើងទើបតែលើកដំបូងនោះឡើយ៕

Labels: បនល្បែង, ហ៊ុន សែន, អំពើពុករលួយ

ការដកតំណែង នាយឧត្តមសេនីយ៍ផ្កាយមាស ៤ កែ គឹមយ៉ាន

0 Comments

ការដកតំណែង នាយឧត្តមសេនីយ៍ផ្កាយមាស ៤ កែ គឹមយ៉ាន

ដោយ សូរ្យសែង (ដើមអំពិល - http://www.dap-news.com)
នាយឧត្តមសេនីយ៍ផ្កាយមាស ៤ កែ គឹមយ៉ាន អគ្គមេបញ្ជាការនៃកងយោធពលខេមរភូមិន្ទបានត្រូវដកចេញពីមុខតំណែងហើយ កាលពីថ្ងៃទី២២ខែមករាឆ្នាំ២០០៩នេះ

ជាមួយនឹងការដកហូតមុខតំណែងដ៏មានអំណាចន្ហេះបានធ្វើឲ្យមានការភ្ញាក្ក់ផ្អើល យ៉ាងខ្លាំងហើយ ឧត្តមសេនីយ៍ជាន់ខ្ពស់មួយ ចំនួនពុំបានដឹងរឿងនេះទេ ចំណែកឯឧត្តមសេនីយ៍ជាន់ខ្ពស់
ពស់ នៃកងយោធពលខេមរភូមិន្ទ ចំនួន៨រូបផ្សេងទៀត ក៏បានត្រូវកែសម្រួល និងតែងតាំងមុខតំណែងថ្មីផងដែរគេពុំដឹងថា ការដកហូតមុខតំណែង លោកឧត្តមសេនីយ៍ផ្កាយមាស ៤ អគ្គមេបញ្ជាការកងទព័ជាតិនេះ បណ្តាលមកអំពីមូលហេតុអ្វីនោះឡើយ ប៉ុន្តែការផ្លាស់ប្តូរមុខតំណែងក្នុងជួរឧត្តមសេនីយ៍ជាន់ខ្ពស់កងទ័ព វាគឺជារឿងមិនធម្មតាមួយដែលតាមទម្លាប់គេកម្រនឹងឃើញ មានការផ្លាស់ប្តូរមុខតំណែង ជាទ្រង់ទ្រាយធំយ្គាងដូច្នេះណាស់។

លោក ខៀវ កាញារីទ្ធ រដ្ឋមន្ត្រីក្រសួងពត៌មាន និងជាអ្នកនាំពាក្យនៃរាជរដ្ឋាភិបាល កម្ពុជាបាន និយាយសម្រាលស្ថានការ ក្នុងបញ្ហានេះ ដោយចាត់ទុកការផ្លាស់ប្តូរមុខតំណែង មេបញ្ជាការកំពូលកងទ័ពកម្ពុជានេះ គឺជារឿងធម្មតានៃការផ្ទេរមុខតំណែងក្នុងជួរកងទ័ព លោករដ្ឋមន្ត្រីបានមានប្រសាសន៍្រ ប្រាប់សារពត៌មាន ដើមអម្ពិលថា៖ វាមិនមែនជាការដកហូតមុខតំណែងដោយ សារការមានកំហុសអ្វីមួយនោះទេ គឺវាគ្រាន់តែជាការផ្ទេរភារកិច្ចនៅក្នុងជួរមេបញ្ជាការកងទ័ពតែប៉ុណ្ណោះ លោកនាយឧត្តមសេនីយ៍ កែគឹមយ៉ាននៅតែជានាយទាហានជាន់ខ្ពស់ នៃកងយោពលខេមរភូមិន្ទដដែល គឺមិនមែនជាការបណ្តេញចេញ ពីជួរកងទ័ពទេ។

Labels: កែ គឹមយ៉ាន

Governor Kep Chutema

1 Comments

លោកនាយករដ្ឋមន្រី្ដខ្មែរ ហ៊ុន សែន បញ្ជាក់ពីតំណែងចៅហ្វាយក្រុងភ្នំពេញរបស់លោក កែប ជុតិមា នឹងមិនត្រូវជំនួសដោយអនុប្រធានរបស់លោក គឺលោក ប៉ា សុជាតិវង្ស

លោកនាយករដ្ឋមន្ត្រីខ្មែរ ហ៊ុន សែន ក្នុងពេលសម្ភោធន៍រោងចក្រផលិតអេតាណុល របស់កូរ៉េនៅកម្ពុជានៅថ្ងៃច័ន្ទទី១៧ វិច្ឆិកានានេះ បានថ្លែងឲ្យកត់ឈ្មោះប្រភពព័ត៌មានទាំងឡាយចូលក្នុងបញ្ជីមួយ បន្ទាប់ពីពួកគេបានផ្សាយព័ត៌មានចចាមអារ៉ាមថា តំណែងចៅហ្វាយក្រុងភ្នំពេញរបស់លោក កែប ជុតិមា នឹងត្រូវជំនួសដោយអនុប្រធានរបស់លោក គឺលោក ប៉ា សុជាតិវង្ស។

លោកនាយករដ្ឋមន្ត្រី ហ៊ុន សែន បានបញ្ជាក់ថា ៖ «អំណាចនីតិប្រតិបត្តិ ចង់ដាក់ ចង់ដូរស្អីៗវាទាក់ទងនឹង ហ៊ុន សែន ហើយឥឡូវហ្នឹង ព្រឹកមិញចេញមក កាសែតខ្លះចុះ ដក កែប ជុតិមា ដាក់ ប៉ា សុជាតិវង្ស ហើយគ្នាឯណោះអត់ទាំងដឹងអីទាំងពីរនាក់ កុំឲ្យតែដឹង។ ដាក់ហ្នឹង ដាក់បំបែកនៅវង់បណ្ដោយ។ ខ្ញុំថា អាធុនហ្នឹង រកឃើញដាក់វា ខោកនឹងក្រញរតែម្ដង ទេអាហ្នឹងអំពើហិង្សាៗ ប៉ុន្តែកត់ឈ្មោះវាចូលក្នុងបញ្ជី គេហៅបញ្ជីមាត់ដាច អាក្រុមចាក់រុក អាហ្នឹងស្លាប់ទៅគេដេរមាត់ជិត»។

ទន្ទឹមនឹងនេះ លោកនាយករដ្ឋមន្ត្រី ហ៊ុន សែន ក៏បានចំអកដល់អ្នករិះគន់ចំពោះការតែងតាំងលោកឧត្តមសេនីយ៍ឯក នេត សារឿន ឲ្យកាន់តំណែងជាមេប៉ូលិសនៃប្រទេសកម្ពុជាជំនួសលោក ហុក ឡងឌី ដែលបានស្លាប់ដោយការធ្លាក់ឧទ្ធម្ភាគចក្រនោះផងដែរ។

លោកនាយករដ្ឋមន្ត្រី បន្ថែមយ៉ាងដូច្នេះ ៖ «ហើយមរណភាពអគ្គស្នងការនគរបាលជាតិមួយទៅ ដំឡើងមួយមកទៀត អ៊ីចេះ អ៊ីចុះ គេថាអត់អព្យាក្រឹតទេ ព្រោះក្មួយ ហ៊ុន សែន ។ ដន្លងស្លាប់ទៅ ក្មួយត្រូវបានតែងតាំង ចុះបើក្មួយវាធ្វើអាហ្នឹងយូរហើយ ជំនាញរបស់វាធ្វើនគរបាលមួយជីវិតទៅហើយ ហើយឋានានុក្រមរបស់វា បន្ទាប់ពី ឌី មក វាហ្នឹងតែម្ដង ហើយបើមិនឲ្យវាធ្វើ ឲ្យអ្នកណាធ្វើ? វាទាល់តែយកអស់លោកមកធ្វើ? ចាំទៅ យាមតែផ្ទះមិនឲ្យយាមផង ក្រែងលោកអ្ហែងបាញ់អញ»៕

Labels: កែប ជុតិមា, ហ៊ុន សែន

គណបក្សប្រឆាំងនឹងគ្មានតួនាទីទេ

1 Comments

នាយករដ្ឋមន្រ្តីខ្មែរ បានប្រកាសជាសាធារណៈថា គណបក្សប្រឆាំងនឹងគ្មានតួនាទីទេ

ក្នុងពេលសម្ភោធន៍រោងចក្រផលិតអេតាណុល របស់កូរ៉េនៅកម្ពុជាត្រូវដែលដាក់ឲ្យប្រើប្រាស់ជាផ្លូវការហើយថ្ងៃច័ន្ទទី១៧ វិច្ឆិកានានេះ នាយករដ្ឋមន្រ្តីខ្មែរ បានប្រកាសជាសាធារណៈថា គណបក្សប្រឆាំងនឹងគ្មានតួនាទីទេ គ្មានជាអនុប្រធានរដ្ឋសភា និងគ្មានជាប្រធានគណកម្មការរួមទាំងការបែងចែកថវិកាសម្រាប់គណបក្សប្រឆាំង។ លោកនាយករដ្ឋមន្ត្រី បានច្រានចោលនូវសំណើរវិសោធនកម្មបទបញ្ជាផ្ទៃក្នុងរដ្ឋសភា ដើម្បីឱ្យមានការទទួលស្គាល់តួនាទីគណបក្សប្រឆាំងជាផ្លូវការ។ លោកនាយករដ្ឋមន្រ្ដី ព្រមានលោក សម រង្ស៊ី ឧ្យជួយមើលកូនចៅផង បើនៅតែនិយាយថាលោកក្បត់នឹងពាក្យសន្យាពេលកោះហៅចូល ប្រជុំសភានោះ លោកនឹងបកអាក្រាតថែមទៀតថា តើគណបក្សប្រឆាំងបានសុំលោកយ៉ាងណានោះ ពេលចូលប្រជុំសភា។ លោក ហ៊ុន សែននិយាយសំដៅចំ គណបក្សសមរង្ស៊ី តែម្ដង។

លោកនាយករដ្ឋមន្ត្រីបានមានប្រសាសន៍ថា ៖ «រឿងចូលប្រជុំ ហើយអ្នកខ្លះថាខ្ញុំបោកឲ្យគេចូលប្រជុំខ្ញុំអត់បានបោកអ្នកឯងទេ។ ខ្ញុំអត់បាននិយាយជាមួយអ្នកឯងទេ អ្នកឯងនិយាយជាមួយនឹងឧកញ៉ា គិត ម៉េង ទេ។ អ្នកឯងគ្រាន់តែចង់យកថា កុំឲ្យបាក់មុខបាក់មាត់ពេក សុំឲ្យខ្ញុំនិយាយពាក្យមួយម៉ាត់ គឺទទួលស្គាល់តួនាទីបក្សប្រឆាំងតែមួយម៉ាត់ទេ ហើយមួយម៉ាត់អ្នកឯងកែដល់ទៅ២៦មាត្រាក្នុងចំណោម៨២មាត្រា ហើយសុទ្ធតែអាចំណុចខ្លាញ់ ហើយគិតថាមិនចង់បានអីទេ»។

លោកនាយករដ្ឋមន្ត្រី ហ៊ុន សែន បានបន្ថែមថា កាលណោះលោកមិនបានសុំអង្វរឲ្យគណបក្សប្រឆាំងចូលរួមប្រជុំនោះទេ

លោកនាយករដ្ឋមន្ត្រី ហ៊ុន សែន បានបន្ថែមថា ៖ «គេ៩០នាក់ បូកហ៊្វុនស៊ិនប៉ិច ២ បូករណឫទ្ធិ ២ វាគ្រប់ណាស់ទៅហើយ គេមានចាំបាច់កំណត់ថាប៉ុន្មានឯណា? គេកំណត់ថា កោះប្រជុំដំបូងក្រោមអធិបតីភាពព្រះមហាក្សត្រតើ! អ្នកឯងចូលប្រជុំមិនចូលប្រជុំជារឿងអ្នកឯងតើ! ឥឡូវសូមកុំសង្ឃឹមត្រៀមធ្វើអនុប្រធានសភា ទី១។ ទី២ កុំសង្ឃឹមត្រៀមធ្វើប្រធានគណៈកម្មការនានារបស់សភា។ កុំសង្ឃឹម អត់ឲ្យទេ កាន់តែឈ្លើយកាន់តែមិនឲ្យ»។

Labels: សភា, សម រង្ស៊ី, ហ៊ុន សែន

Hok Lundy Killed in Helicopter Crash - ឯកឧត្តម ហុក ឡងអី បានស្លាប់

7 Comments

ឧត្តមសេនីយ៍ប៉ូលីសជាតិ

ឯកឧត្តម ហុក ឡងអី បានស្លាប់នៅថ្ងៃអាទិត្យល្ងាច ដោយឧទ្ធម្ភាគចក្រធ្លាក់

ឧត្តមសេនីយ៍ប៉ូលីសជាតិ ឯកឧត្តម ហុក ឡងអី បានស្លាប់នៅថ្ងៃអាទិត្យវេលាម៉ោង ៧ កន្លះល្ងាច ដោយឧទ្ធម្ភាគចក្រធ្លាក់ នៅស្រុករំដួល ខេត្ដស្វាយរៀង និងក្នុងឧបត្ដិហេតុនោះ បានទាញយកជីវិត ឧត្តមសេនីយ៏ សុខ សាអ៊ឹម ជាអ្នកអមដំណើរជាមួយ និង កណ្ណធារ(អ្នកបើកឧទ្ធម្ភាគចក្រ)ពីរអ្នកទៀតផងដែរ។

ឧទ្ធម្ភាគចក្រឯកជននេះ បានចេញដំណើរ ពីភ្នំពេញ ឆ្ពោះទៅ ខេត្ដស្វាយរៀង ដែលជាស្រុកកំណើត របស់ ឧត្ដមសេនីយ៏។

ឧត្ដមសេនីយ៏ ហុក ឡងឌី ជាមនុស្សជំនិត និង មិត្ដដ៏ជិត ស្និតរបស់ សម្ដេចតេជោ នាយករដ្ឋមន្រ្ដី ហ៊ុន សែន ហើយមានជាប់ខ្សែសារលោហិតជាសាច់ថ្លៃដោយមានកូនស្រី ឈ្មោះ ហុក ឈិនដាវី ជាភរិយារបស់កូនប្រុសសម្តេចតេជោ ឈ្មោះ ហ៊ុន ម៉ានិត ហើយធ្លាប់មាន កូនប្រុសមួយទៀតឈ្មោះ ហុក ឡងដាវ ជាអតីតស្វាមីយ៍ របស់ ក្មួយស្រីរបស់សម្តេចតេជោឈ្មោះ ហ៊ុន ចាន់ថា។

ឧត្តមសេនីយ៍ ហុក ឡងឌី ធ្លាប់មានឈ្មោះចោតប្រកាន់ ជំពាក់ជំពិននូវរឿង រដ្ឋប្រហារឆ្នាំ ១៩៩៧ ក្រោមរយះនាយករដ្ឋមន្រ្តី ហ៊ុន សែន ហើយការធ្វើរឃាត អតីតរដ្ឋមន្រ្តីក្រសួងមហាផ្ទៃ លោក ហូ សុក ក្នុងរឿងចាប់គ្រឿងញាន និងបញ្ហានយោបាយ។ ពាក់ពិនរឿងជាមេអណ្តើក និង ផ្ទាល់ខ្លួន ក្នុងទំនាក់ទំនងស្នេហាលាក់លាមដែលនាំឧ្យមានការធ្វើឃាត តារ៉ា ពិសិដ្ឋ ពីលីការ។ ពាក់ពិនជាមួយការចាប់ចង អតីតមេប៉ូលីស ហេង ពៅ។ ឧត្តមសេនីយ៍ធ្លាប់មានកេរ្ត៍ឈ្មោះ ជាអ្នកវក់នឹងល្បែង ឧត្តមសេនីយ៍ធ្លាប់ពាក់ពិនរឿងជួញដូរមនុស្ស។ ឧត្តសេនីយ៍ធ្លាប់បាន ក្រសួងការបរទេសសហរដ្ឋអាមេរិក បដិសេដមិនឧ្យទិដ្ឋាការចូលសហរដ្ឋអាមេរិក ហើយបន្ទាប់មក សហពន័្ធស៊ើបអង្កតអាមេរិក (FBI) បានជ្រៀតជ្រែកធ្វើអន្តារាគមទាក់ទងទៅក្រសួងការបរទេសអាមេរិក ជួយផ្តល់ទិដ្ឋាការដោយអញ្ជើញជាផ្លូវការមកសហរដ្ឋអាមេរិក ក្នុងការប្តូរមកវិញនូវការបើកការិយាល័យ សហពន្ធ័ស៊ើបអង្កេតអាមេរិក នៅក្នុងស្ថានទូតអាមេរិក ប្រចាំ ក្រុងភ្នំពេញ។

យោងតាម៖

afp.google.com
cambodia.org

Labels: hok lundy

លោក បារ៉ាក់ អូបាម៉ា ប្រធានាធិបតេយ្យទី៤៤

1 Comments

លោក បារ៉ាក់ អូបាម៉ា
ជាប់ជា
ប្រធានាធិបតេយ្យទី៤៤ នៃសហរដ្ឋអាមេរិក

Change Has Come to America

លោក បារ៉ាក់ អូបាម៉ា ជាប្រធានាធិបតេយ្យទី១ ដែលមានពូជសាស្រ្ដ សែ្បកខ្មៅ ឪពុករបស់លោកដើមកំណើតមកពីប្រទេស កេនយា អាហ្វ្រិកខាងជើង និង ម្ដាយស្បែកសរមកពីរដ្ឋឃេនសរ សហរដ្ឋអាមេរិក។ លោកមានប្រសាសន៏ថា Change Has Come to America

បើគិតតាមសន្លឹកឆ្នោតជាភាគរយ នៃសន្លឹកឆ្នោតដែលរាប់ហើយ ៧៣% នោះ លោក អូបាម៉ា ឈ្នះ៥១.៣ ភាគរយ លើសលោក ចន ម៉ាក់ខេន ដែលបានទទួល ការគាំទ្រតែ ៤៧.៥ ភាគរយ។ បន្ទាប់ពីពាក់កណ្តាលអាធ្រាតុនែម៉ោង នៅនូវ យ៉ក តាមរយះពត៌មាន Associated Press លោក អូបាម៉ា បានទទួលស្គាល់ ជាអ្នកឈ្នះ ដោយមានការគាំទ្រ តាមរយះ ពិន្ទុសន្លឹកឆ្នោតអេឡិចត្រូនិចចំនួនដល់ ៣៣៨ ដែលលើស ពីចំនួនដែលត្រូវយកឧ្យដល់ គឺ ២៧០ សំរាប់តំរូវឧ្យជាប់ ហើយលោក ចន ម៉ាក់ខេន បានទទួលការកគាំទ្រតែ ១៤១ ប៉ុណ្ណោះ។

Labels: សហរដ្ឋអាមេរិកុ

បោះឆ្នោតជ្រើសរើសប្រធានាធិបតេយ្យ

3 Comments

បោះឆ្នោតជ្រើសរើសប្រធានាធិបតេយ្យ សហរដ្ឋអាមេរិក

ប្រជាជនអាមេរិកបានទៅបោះឆ្នោត ជ្រើសរើសប្រធានាធិបតីយ្យសំរាប់អាណាតិ្ដ 2009-2012 នៅថ្ងៃអង្គារនេះ កន្លែងបោះឆ្នោតបើកទ្វារពីម៉ោង ៦ ព្រឹក ហើយបិទទ្វារម៉ោង ៦ ល្ងាច។ លទ្ធផលនៃការឆ្នោតលើកនេះ នឹងបង្ហាញនូវប្រវត្តិសាស្រ្ដដ័អស្ចារ្យមួយ ទោះបីគណបក្សណាឆ្នះក៏ដោយ បេក្ខជនឈ្នះមកពីគណបក្សប្រជាធិបតេយ្យ មាន លោក បារ៉ាក់ អូបាម៉ា ជាបេក្ខជនក្នុងនាមមានពូជសាស្រ្ដ ស្បែកខ្មៅ ទោះបីលោកមានឈាមជ័រ មកពីពូជសរ ពាក់កណ្តាលក៏ដោយ នេះជាលើកទីមួយ ហើយដែលមានសាស្រ្ដស្បែកខ្មៅដឹកនាំជាប្រធានិបតេយ្យនៃសហរដ្ឋអាមេរិក បើសិនជាលោកជាបនោះ៕

បេក្ខជនឈ្នះមកពីគណបក្សសាធារណរដ្ឋ គឺលោក ចន ម៉ាក់ខេន លោកបានជ្រើសរើសដៃគូរ ឈរជា អនុប្រធានាធិបតេយ្យរបស់លោក គឺ អ្នកស្រី សែរ៉ា ផលីន អ្នកស្រីជាបេក្ខនារីទីមួយ ក្នុងប្រវតិ្ដសាស្រ្ដ សហរដ្ឋអាមេរិក ។

លោក បារ៉ាក់ អូបាម៉ា កើតនៅកោះហាវ៉ៃ អាយុប្រហែល ៤២ ឆ្នៃ ហើយលោកមានសញ្ញាប័ត្រមកពី សាលាច្បាប់ ហោវ៊ឺត ធ្វើការឧ្យប្រពន្ធគាត់ ជាមេធាវី ហើយជាប់ជា តំណាងរាស្រ្ដក្នុងរដ្ឋ អ៊ីលីន័រ ១៩៩១ ទៅ ២០០៤ ហើយជាប់តំណាងរាស្រ្ដ សភាសហរដ្ឋអាមេរិច ចាប់តាំងពី ២០០៤ មកទល់បច្ចុប្បន្ន។ លោករកបានអំណោយ ៤៥៤ លានដុល្លាសំរាប់ធ្វើការ ឃោសនា។

លោក ចន ម៉ាក់ខេន ធ្លាប់ជាទាហ៊ានចំបាំង ក្នុងសង្រ្គាម វៀតណាម ហើយជាប់ជាឈ្លើយសឹកពីឆ្នាំ 1967 លោកមានអាយុប្រហែល ៧២ ឆ្នាំ ។ ក្នុងឆាកនយោបាយ លោកមានពិសោធន័ជាប់ជា តំណាងរាស្រ្ដសំរាប់ ព្រឹត្ដសភា និង សភាជាតិ នៃសហរដ្ឋអាមេរិក ពី១៩៨២ ទៅ ២០០០។ លោករកបានអំណោយ ២៣០ លានដុល្លា សំរាប់ប្រើប្រាសក្នុងការឃោសនា។

ចំនុចសំខាន់សំរាប់ធ្វើការឃោសនា គឺ បញ្ហាសេដ្ឋកិច្ច ក្នុងការចាយវាយ និង រកចំណូល សំរាប់ប្រជារាស្រ្ដ និង សំរាប់រដ្ឋាភិបាល ។

Labels: សហរដ្ឋអាមេរិកុ

ទំព័រនៃមិត្តអ្នកអាន | អត្ថបទផ្សេងៗ

Wednesday, February 25, 2009

Close-CamboSix រៀបចំបញ្ចប់អាជ្ញាប័ណ្ណក្រុមហ៊ុន Cambo Six

រដ្ឋមន្ត្រីក្រសួងសេដ្ឋកិច្ចរៀបចំបញ្ចប់អាជ្ញាប័ណ្ណក្រុមហ៊ុន Cambo Six

Friday, January 23, 2009

ការដកតំណែង នាយឧត្តមសេនីយ៍ផ្កាយមាស ៤ កែ គឹមយ៉ាន

ការដកតំណែង នាយឧត្តមសេនីយ៍ផ្កាយមាស ៤ កែ គឹមយ៉ាន