ឯកឧត្តម ជុំ កុសល់ ជាពិធីករ នៃទូរទស្សន៍ ស៊ីធីអិន

ឯកឧត្ដម​ គឹម​ ច័ន្ទសាមិត្រ ជាអតីតគណបក្ស សម រង្ស៊ី​

កម្មវិធី​ទេពកោសល្យ​និងស្នាដៃ​ របស់ស្ថានីយ៍ទូរទស្ស​ ស៊ីធីអិន ជាកម្មវិធី​ បំរើនយោបាយយ៉ាងច្បាស់ក្រឡែត ហើយកម្មវិធីនេះ នឹងអាចធ្វើ ឧ្យស្ថានីយ៍​ទាំងមូល ខូចឈ្មោះ ។​ ឯកឧត្ដម ជុំ កុសល់ ដែលជាទីប្រឹក្សា របស់​សម្តេចតេជោ ហ៊ុន សែន​​ ជាពិធីករ​នៃ​កម្មវិធី ហើយ ក្នុងនាម លោកមានឋានះ ដ៏ខ្ពង់ខ្ពស់ លោក ជុំ កុសល់​​ ​ត្រូវតែ​បង្ហាញ យ៉ាងណា ដែលអាចចំណេញ​​ នយោបាយឧ្យ សម្តេចតេជោ ជាពិសេស មុនពេលជិតបោះឆ្នោត ខាងមុខនេះ។​

កម្មវីធីនេះតែងតែ អញ្ជើញ​​ សមាជិកគណបក្ស សម​ រង្ស៊ី ដែលចុះចូលជាមួយ គណបក្សប្រជាជនកម្ពុជា មកបកស្រាយ ពិសេស បកអាក្រាត និង​ និយាយ នូវពាក្យពេជ្រ របៀបប្រើពាក្សបង្អាប់ និង ភាពមិនសប្បាយចិត្ដ​ ចំពោះ គណបក្សសម​ រង្ស៊ី​ ​។​​ ថែមលើសពីនេះទៀត លោក​ជុំ កុសល់ តែងតែបញ្ចេញបញ្ចូល នូវពាក្យបង្អាប់ បញ្ឆិតបញ្ឆៀង ជួនកាលនិយាយចំៗ តែម្តង មកលើ គណបក្សសម​ រង្សី ហើយថែមទាំងបនែ្ថមស្ករ លើបង្អែមនៃពាក្សពេជ្រ ក្នុងកម្មវិធីនេះទៀត ដោយពុំគិតថាខ្លួន ជាអ្នកយកសារព៌តមាន នៃអជីពរបស់លោកសោះ។

គួរឧ្យឆ្ងល់ដែរ ថាតើចុះហេតុអីបានជា​ កម្មវិធីនេះ​ មិនអញ្ជើញភាគីម្ខាងទៀត មកបកស្រាយ?​ នេះជាភាពមិនស្មើគ្នានៃការចុះផ្សាយ​ ដែលធ្វើឧ្យ ទស្សនិកជននៃស៊ីធីអិន មិនយល់ ហើយបែ​រទៅជា ជ្រិញ និង​ ធុញជាទីបំផុត ចំពោះកម្មវិធីតែម្ដង ។​ ជួនកាល ខ្ញុំបានឮថា មានទស្សនិកជនខ្លះ បិទចោល​ កញ្ចក់ទូរទស្សន៏ចោល ពេលមានកម្មវិធីនេះ។

ស៊ីធីអិន បានផ្សាយជាអន្តរជាតិនៅទិ្វបអាមេរិចខាងជើង ទ្វិបអឺរុប និង​ ប្រទេសអូស្រ្ដាលី ។