Governor Kep Chutema

1 Comments

លោកនាយករដ្ឋមន្រី្ដខ្មែរ ហ៊ុន សែន បញ្ជាក់ពីតំណែងចៅហ្វាយក្រុងភ្នំពេញរបស់លោក កែប ជុតិមា នឹងមិនត្រូវជំនួសដោយអនុប្រធានរបស់លោក គឺលោក ប៉ា សុជាតិវង្ស

លោកនាយករដ្ឋមន្ត្រីខ្មែរ ហ៊ុន សែន ក្នុងពេលសម្ភោធន៍រោងចក្រផលិតអេតាណុល របស់កូរ៉េនៅកម្ពុជានៅថ្ងៃច័ន្ទទី១៧ វិច្ឆិកានានេះ បានថ្លែងឲ្យកត់ឈ្មោះប្រភពព័ត៌មានទាំងឡាយចូលក្នុងបញ្ជីមួយ បន្ទាប់ពីពួកគេបានផ្សាយព័ត៌មានចចាមអារ៉ាមថា តំណែងចៅហ្វាយក្រុងភ្នំពេញរបស់លោក កែប ជុតិមា នឹងត្រូវជំនួសដោយអនុប្រធានរបស់លោក គឺលោក ប៉ា សុជាតិវង្ស។

លោកនាយករដ្ឋមន្ត្រី ហ៊ុន សែន បានបញ្ជាក់ថា ៖ «អំណាចនីតិប្រតិបត្តិ ចង់ដាក់ ចង់ដូរស្អីៗវាទាក់ទងនឹង ហ៊ុន សែន ហើយឥឡូវហ្នឹង ព្រឹកមិញចេញមក កាសែតខ្លះចុះ ដក កែប ជុតិមា ដាក់ ប៉ា សុជាតិវង្ស ហើយគ្នាឯណោះអត់ទាំងដឹងអីទាំងពីរនាក់ កុំឲ្យតែដឹង។ ដាក់ហ្នឹង ដាក់បំបែកនៅវង់បណ្ដោយ។ ខ្ញុំថា អាធុនហ្នឹង រកឃើញដាក់វា ខោកនឹងក្រញរតែម្ដង ទេអាហ្នឹងអំពើហិង្សាៗ ប៉ុន្តែកត់ឈ្មោះវាចូលក្នុងបញ្ជី គេហៅបញ្ជីមាត់ដាច អាក្រុមចាក់រុក អាហ្នឹងស្លាប់ទៅគេដេរមាត់ជិត»។

ទន្ទឹមនឹងនេះ លោកនាយករដ្ឋមន្ត្រី ហ៊ុន សែន ក៏បានចំអកដល់អ្នករិះគន់ចំពោះការតែងតាំងលោកឧត្តមសេនីយ៍ឯក នេត សារឿន ឲ្យកាន់តំណែងជាមេប៉ូលិសនៃប្រទេសកម្ពុជាជំនួសលោក ហុក ឡងឌី ដែលបានស្លាប់ដោយការធ្លាក់ឧទ្ធម្ភាគចក្រនោះផងដែរ។

លោកនាយករដ្ឋមន្ត្រី បន្ថែមយ៉ាងដូច្នេះ ៖ «ហើយមរណភាពអគ្គស្នងការនគរបាលជាតិមួយទៅ ដំឡើងមួយមកទៀត អ៊ីចេះ អ៊ីចុះ គេថាអត់អព្យាក្រឹតទេ ព្រោះក្មួយ ហ៊ុន សែន ។ ដន្លងស្លាប់ទៅ ក្មួយត្រូវបានតែងតាំង ចុះបើក្មួយវាធ្វើអាហ្នឹងយូរហើយ ជំនាញរបស់វាធ្វើនគរបាលមួយជីវិតទៅហើយ ហើយឋានានុក្រមរបស់វា បន្ទាប់ពី ឌី មក វាហ្នឹងតែម្ដង ហើយបើមិនឲ្យវាធ្វើ ឲ្យអ្នកណាធ្វើ? វាទាល់តែយកអស់លោកមកធ្វើ? ចាំទៅ យាមតែផ្ទះមិនឲ្យយាមផង ក្រែងលោកអ្ហែងបាញ់អញ»៕

Labels: កែប ជុតិមា, ហ៊ុន សែន

គណបក្សប្រឆាំងនឹងគ្មានតួនាទីទេ

1 Comments

នាយករដ្ឋមន្រ្តីខ្មែរ បានប្រកាសជាសាធារណៈថា គណបក្សប្រឆាំងនឹងគ្មានតួនាទីទេ

ក្នុងពេលសម្ភោធន៍រោងចក្រផលិតអេតាណុល របស់កូរ៉េនៅកម្ពុជាត្រូវដែលដាក់ឲ្យប្រើប្រាស់ជាផ្លូវការហើយថ្ងៃច័ន្ទទី១៧ វិច្ឆិកានានេះ នាយករដ្ឋមន្រ្តីខ្មែរ បានប្រកាសជាសាធារណៈថា គណបក្សប្រឆាំងនឹងគ្មានតួនាទីទេ គ្មានជាអនុប្រធានរដ្ឋសភា និងគ្មានជាប្រធានគណកម្មការរួមទាំងការបែងចែកថវិកាសម្រាប់គណបក្សប្រឆាំង។ លោកនាយករដ្ឋមន្ត្រី បានច្រានចោលនូវសំណើរវិសោធនកម្មបទបញ្ជាផ្ទៃក្នុងរដ្ឋសភា ដើម្បីឱ្យមានការទទួលស្គាល់តួនាទីគណបក្សប្រឆាំងជាផ្លូវការ។ លោកនាយករដ្ឋមន្រ្ដី ព្រមានលោក សម រង្ស៊ី ឧ្យជួយមើលកូនចៅផង បើនៅតែនិយាយថាលោកក្បត់នឹងពាក្យសន្យាពេលកោះហៅចូល ប្រជុំសភានោះ លោកនឹងបកអាក្រាតថែមទៀតថា តើគណបក្សប្រឆាំងបានសុំលោកយ៉ាងណានោះ ពេលចូលប្រជុំសភា។ លោក ហ៊ុន សែននិយាយសំដៅចំ គណបក្សសមរង្ស៊ី តែម្ដង។

លោកនាយករដ្ឋមន្ត្រីបានមានប្រសាសន៍ថា ៖ «រឿងចូលប្រជុំ ហើយអ្នកខ្លះថាខ្ញុំបោកឲ្យគេចូលប្រជុំខ្ញុំអត់បានបោកអ្នកឯងទេ។ ខ្ញុំអត់បាននិយាយជាមួយអ្នកឯងទេ អ្នកឯងនិយាយជាមួយនឹងឧកញ៉ា គិត ម៉េង ទេ។ អ្នកឯងគ្រាន់តែចង់យកថា កុំឲ្យបាក់មុខបាក់មាត់ពេក សុំឲ្យខ្ញុំនិយាយពាក្យមួយម៉ាត់ គឺទទួលស្គាល់តួនាទីបក្សប្រឆាំងតែមួយម៉ាត់ទេ ហើយមួយម៉ាត់អ្នកឯងកែដល់ទៅ២៦មាត្រាក្នុងចំណោម៨២មាត្រា ហើយសុទ្ធតែអាចំណុចខ្លាញ់ ហើយគិតថាមិនចង់បានអីទេ»។

លោកនាយករដ្ឋមន្ត្រី ហ៊ុន សែន បានបន្ថែមថា កាលណោះលោកមិនបានសុំអង្វរឲ្យគណបក្សប្រឆាំងចូលរួមប្រជុំនោះទេ

លោកនាយករដ្ឋមន្ត្រី ហ៊ុន សែន បានបន្ថែមថា ៖ «គេ៩០នាក់ បូកហ៊្វុនស៊ិនប៉ិច ២ បូករណឫទ្ធិ ២ វាគ្រប់ណាស់ទៅហើយ គេមានចាំបាច់កំណត់ថាប៉ុន្មានឯណា? គេកំណត់ថា កោះប្រជុំដំបូងក្រោមអធិបតីភាពព្រះមហាក្សត្រតើ! អ្នកឯងចូលប្រជុំមិនចូលប្រជុំជារឿងអ្នកឯងតើ! ឥឡូវសូមកុំសង្ឃឹមត្រៀមធ្វើអនុប្រធានសភា ទី១។ ទី២ កុំសង្ឃឹមត្រៀមធ្វើប្រធានគណៈកម្មការនានារបស់សភា។ កុំសង្ឃឹម អត់ឲ្យទេ កាន់តែឈ្លើយកាន់តែមិនឲ្យ»។

Labels: សភា, សម រង្ស៊ី, ហ៊ុន សែន

Hok Lundy Killed in Helicopter Crash - ឯកឧត្តម ហុក ឡងអី បានស្លាប់

7 Comments

ឧត្តមសេនីយ៍ប៉ូលីសជាតិ

ឯកឧត្តម ហុក ឡងអី បានស្លាប់នៅថ្ងៃអាទិត្យល្ងាច ដោយឧទ្ធម្ភាគចក្រធ្លាក់

ឧត្តមសេនីយ៍ប៉ូលីសជាតិ ឯកឧត្តម ហុក ឡងអី បានស្លាប់នៅថ្ងៃអាទិត្យវេលាម៉ោង ៧ កន្លះល្ងាច ដោយឧទ្ធម្ភាគចក្រធ្លាក់ នៅស្រុករំដួល ខេត្ដស្វាយរៀង និងក្នុងឧបត្ដិហេតុនោះ បានទាញយកជីវិត ឧត្តមសេនីយ៏ សុខ សាអ៊ឹម ជាអ្នកអមដំណើរជាមួយ និង កណ្ណធារ(អ្នកបើកឧទ្ធម្ភាគចក្រ)ពីរអ្នកទៀតផងដែរ។

ឧទ្ធម្ភាគចក្រឯកជននេះ បានចេញដំណើរ ពីភ្នំពេញ ឆ្ពោះទៅ ខេត្ដស្វាយរៀង ដែលជាស្រុកកំណើត របស់ ឧត្ដមសេនីយ៏។

ឧត្ដមសេនីយ៏ ហុក ឡងឌី ជាមនុស្សជំនិត និង មិត្ដដ៏ជិត ស្និតរបស់ សម្ដេចតេជោ នាយករដ្ឋមន្រ្ដី ហ៊ុន សែន ហើយមានជាប់ខ្សែសារលោហិតជាសាច់ថ្លៃដោយមានកូនស្រី ឈ្មោះ ហុក ឈិនដាវី ជាភរិយារបស់កូនប្រុសសម្តេចតេជោ ឈ្មោះ ហ៊ុន ម៉ានិត ហើយធ្លាប់មាន កូនប្រុសមួយទៀតឈ្មោះ ហុក ឡងដាវ ជាអតីតស្វាមីយ៍ របស់ ក្មួយស្រីរបស់សម្តេចតេជោឈ្មោះ ហ៊ុន ចាន់ថា។

ឧត្តមសេនីយ៍ ហុក ឡងឌី ធ្លាប់មានឈ្មោះចោតប្រកាន់ ជំពាក់ជំពិននូវរឿង រដ្ឋប្រហារឆ្នាំ ១៩៩៧ ក្រោមរយះនាយករដ្ឋមន្រ្តី ហ៊ុន សែន ហើយការធ្វើរឃាត អតីតរដ្ឋមន្រ្តីក្រសួងមហាផ្ទៃ លោក ហូ សុក ក្នុងរឿងចាប់គ្រឿងញាន និងបញ្ហានយោបាយ។ ពាក់ពិនរឿងជាមេអណ្តើក និង ផ្ទាល់ខ្លួន ក្នុងទំនាក់ទំនងស្នេហាលាក់លាមដែលនាំឧ្យមានការធ្វើឃាត តារ៉ា ពិសិដ្ឋ ពីលីការ។ ពាក់ពិនជាមួយការចាប់ចង អតីតមេប៉ូលីស ហេង ពៅ។ ឧត្តមសេនីយ៍ធ្លាប់មានកេរ្ត៍ឈ្មោះ ជាអ្នកវក់នឹងល្បែង ឧត្តមសេនីយ៍ធ្លាប់ពាក់ពិនរឿងជួញដូរមនុស្ស។ ឧត្តសេនីយ៍ធ្លាប់បាន ក្រសួងការបរទេសសហរដ្ឋអាមេរិក បដិសេដមិនឧ្យទិដ្ឋាការចូលសហរដ្ឋអាមេរិក ហើយបន្ទាប់មក សហពន័្ធស៊ើបអង្កតអាមេរិក (FBI) បានជ្រៀតជ្រែកធ្វើអន្តារាគមទាក់ទងទៅក្រសួងការបរទេសអាមេរិក ជួយផ្តល់ទិដ្ឋាការដោយអញ្ជើញជាផ្លូវការមកសហរដ្ឋអាមេរិក ក្នុងការប្តូរមកវិញនូវការបើកការិយាល័យ សហពន្ធ័ស៊ើបអង្កេតអាមេរិក នៅក្នុងស្ថានទូតអាមេរិក ប្រចាំ ក្រុងភ្នំពេញ។

យោងតាម៖

afp.google.com
cambodia.org

Labels: hok lundy

លោក បារ៉ាក់ អូបាម៉ា ប្រធានាធិបតេយ្យទី៤៤

1 Comments

លោក បារ៉ាក់ អូបាម៉ា
ជាប់ជា
ប្រធានាធិបតេយ្យទី៤៤ នៃសហរដ្ឋអាមេរិក

Change Has Come to America

លោក បារ៉ាក់ អូបាម៉ា ជាប្រធានាធិបតេយ្យទី១ ដែលមានពូជសាស្រ្ដ សែ្បកខ្មៅ ឪពុករបស់លោកដើមកំណើតមកពីប្រទេស កេនយា អាហ្វ្រិកខាងជើង និង ម្ដាយស្បែកសរមកពីរដ្ឋឃេនសរ សហរដ្ឋអាមេរិក។ លោកមានប្រសាសន៏ថា Change Has Come to America

បើគិតតាមសន្លឹកឆ្នោតជាភាគរយ នៃសន្លឹកឆ្នោតដែលរាប់ហើយ ៧៣% នោះ លោក អូបាម៉ា ឈ្នះ៥១.៣ ភាគរយ លើសលោក ចន ម៉ាក់ខេន ដែលបានទទួល ការគាំទ្រតែ ៤៧.៥ ភាគរយ។ បន្ទាប់ពីពាក់កណ្តាលអាធ្រាតុនែម៉ោង នៅនូវ យ៉ក តាមរយះពត៌មាន Associated Press លោក អូបាម៉ា បានទទួលស្គាល់ ជាអ្នកឈ្នះ ដោយមានការគាំទ្រ តាមរយះ ពិន្ទុសន្លឹកឆ្នោតអេឡិចត្រូនិចចំនួនដល់ ៣៣៨ ដែលលើស ពីចំនួនដែលត្រូវយកឧ្យដល់ គឺ ២៧០ សំរាប់តំរូវឧ្យជាប់ ហើយលោក ចន ម៉ាក់ខេន បានទទួលការកគាំទ្រតែ ១៤១ ប៉ុណ្ណោះ។

Labels: សហរដ្ឋអាមេរិកុ

បោះឆ្នោតជ្រើសរើសប្រធានាធិបតេយ្យ

3 Comments

បោះឆ្នោតជ្រើសរើសប្រធានាធិបតេយ្យ សហរដ្ឋអាមេរិក

ប្រជាជនអាមេរិកបានទៅបោះឆ្នោត ជ្រើសរើសប្រធានាធិបតីយ្យសំរាប់អាណាតិ្ដ 2009-2012 នៅថ្ងៃអង្គារនេះ កន្លែងបោះឆ្នោតបើកទ្វារពីម៉ោង ៦ ព្រឹក ហើយបិទទ្វារម៉ោង ៦ ល្ងាច។ លទ្ធផលនៃការឆ្នោតលើកនេះ នឹងបង្ហាញនូវប្រវត្តិសាស្រ្ដដ័អស្ចារ្យមួយ ទោះបីគណបក្សណាឆ្នះក៏ដោយ បេក្ខជនឈ្នះមកពីគណបក្សប្រជាធិបតេយ្យ មាន លោក បារ៉ាក់ អូបាម៉ា ជាបេក្ខជនក្នុងនាមមានពូជសាស្រ្ដ ស្បែកខ្មៅ ទោះបីលោកមានឈាមជ័រ មកពីពូជសរ ពាក់កណ្តាលក៏ដោយ នេះជាលើកទីមួយ ហើយដែលមានសាស្រ្ដស្បែកខ្មៅដឹកនាំជាប្រធានិបតេយ្យនៃសហរដ្ឋអាមេរិក បើសិនជាលោកជាបនោះ៕

បេក្ខជនឈ្នះមកពីគណបក្សសាធារណរដ្ឋ គឺលោក ចន ម៉ាក់ខេន លោកបានជ្រើសរើសដៃគូរ ឈរជា អនុប្រធានាធិបតេយ្យរបស់លោក គឺ អ្នកស្រី សែរ៉ា ផលីន អ្នកស្រីជាបេក្ខនារីទីមួយ ក្នុងប្រវតិ្ដសាស្រ្ដ សហរដ្ឋអាមេរិក ។

លោក បារ៉ាក់ អូបាម៉ា កើតនៅកោះហាវ៉ៃ អាយុប្រហែល ៤២ ឆ្នៃ ហើយលោកមានសញ្ញាប័ត្រមកពី សាលាច្បាប់ ហោវ៊ឺត ធ្វើការឧ្យប្រពន្ធគាត់ ជាមេធាវី ហើយជាប់ជា តំណាងរាស្រ្ដក្នុងរដ្ឋ អ៊ីលីន័រ ១៩៩១ ទៅ ២០០៤ ហើយជាប់តំណាងរាស្រ្ដ សភាសហរដ្ឋអាមេរិច ចាប់តាំងពី ២០០៤ មកទល់បច្ចុប្បន្ន។ លោករកបានអំណោយ ៤៥៤ លានដុល្លាសំរាប់ធ្វើការ ឃោសនា។

លោក ចន ម៉ាក់ខេន ធ្លាប់ជាទាហ៊ានចំបាំង ក្នុងសង្រ្គាម វៀតណាម ហើយជាប់ជាឈ្លើយសឹកពីឆ្នាំ 1967 លោកមានអាយុប្រហែល ៧២ ឆ្នាំ ។ ក្នុងឆាកនយោបាយ លោកមានពិសោធន័ជាប់ជា តំណាងរាស្រ្ដសំរាប់ ព្រឹត្ដសភា និង សភាជាតិ នៃសហរដ្ឋអាមេរិក ពី១៩៨២ ទៅ ២០០០។ លោករកបានអំណោយ ២៣០ លានដុល្លា សំរាប់ប្រើប្រាសក្នុងការឃោសនា។

ចំនុចសំខាន់សំរាប់ធ្វើការឃោសនា គឺ បញ្ហាសេដ្ឋកិច្ច ក្នុងការចាយវាយ និង រកចំណូល សំរាប់ប្រជារាស្រ្ដ និង សំរាប់រដ្ឋាភិបាល ។

Labels: សហរដ្ឋអាមេរិកុ

ឆ្នោតផ្សងសំណាងទៅរស់នៅអាមេរិក

0 Comments

ឆ្នោតផ្សងសំណាងទៅរស់នៅអាមេរិកសម្រាប់ឆ្នាំ២០១០ចាប់ផ្ដើមហើយ

ដោយ ហ៊ុយ វណ្ណៈ (ចំឡងចេញពីវិទ្យុអាស៊ីសេរី)

មន្ត្រីស្ថានទូតសហរដ្ឋអាមេរិកប្រចាំនៅប្រទេសកម្ពុជា បានថ្លែងឲ្យដឹងថា កម្មវិធីឆ្នោតផ្សងសំណាងទៅរស់នៅសហរដ្ឋអាមេរិកសម្រាប់ឆ្នាំ២០១០ ឬហៅជាភាសាអង់គ្លេសថា Diversity Visa Lottery ឬឆ្នោត DVនោះ គឺបានចាប់ផ្តើមបើកឲ្យចុះឈ្មោះជាផ្លូវការហើយ។

កម្មវិធីឆ្នោតផ្សងសំណាងដើម្បីទៅរស់នៅសហរដ្ឋអាមេរិកនេះ ក៏មានបើកឱកាសឲ្យពលរដ្ឋខ្មែរចូលរួមផងដែរ។

លោក Brian Lieke ជាប្រធានកុងស៊ុលនៃស្ថានទូតសហរដ្ឋអាមេរិកប្រចាំនៅប្រទេសកម្ពុជា មានប្រសាសន៍តាមរយៈអ្នកបកប្រែភាសាប្រចាំស្ថានទូតថា ការបំពេញពាក្យសុំតាមប្រព័ន្ធអ៊ិនថឹណិតដើម្បីផ្សងសំណាងទៅរស់នៅ សហរដ្ឋអាមេរិក គឺចាប់ផ្តើមពីថ្ងៃទី២ ខែតុលា រហូតដល់ថ្ងៃទី១ ខែធ្នូ ឆ្នាំ២០០៨នេះ ៖ «កម្មវិធីឆ្នោតផ្សងសំណាង ដែលហៅកាត់ថា ឆ្នោត DV ប្រចាំឆ្នាំ ២០១០ បានចាប់ផ្ដើមនៅថ្ងៃទី២ ខែតុលា ឆ្នាំ២០០៨ ហើយនិងត្រូវបានបញ្ចប់ទៅវិញនៅថ្ងៃទី១ ធ្នូ ឆ្នាំ២០០៨ ដែរ»។

លោក Brian Lieke មានប្រសាសន៍បន្តថា មានចំណុចសំខាន់យ៉ាងហោចពីរយ៉ាងសម្រាប់ពលរដ្ឋខ្មែរទាំងឡាយ ដែលមានបំណងដាក់ឆ្នោតផ្សងសំណាងនេះ គឺថា ពាក្យសុំទាំងឡាយ នឹងត្រូវធ្វើតាមប្រព័ន្ធអ៊ិនថឹណិត និងដាក់តាមអាសយដ្ឋានអ៊ិនថឹណិតផ្លូវការរបស់រដ្ឋាភិបាលសហរដ្ឋអាមេរិក តែប៉ុណ្ណោះ។

លោក Brian Lieke មានប្រសាសន៍តាមរយៈអ្នកបកប្រែយ៉ាងដូច្នេះថា ៖ «មាន ចំណុចសំខាន់ពីរដែលលោកអ្នកត្រូវតែយល់ដឹង អំពីការដាក់ពាក្យទៅក្នុងកម្មវិធីឆ្នោតផ្សងសំណាងទៅរស់នៅសហរដ្ឋ អាមេរិក។ ទី១ គឺការចុះឈ្មោះត្រូវធ្វើឡើងតាមប្រព័ន្ធ Online (ប្រព័ន្ធអ៊ិនថឹណិត)។ ការចុះឈ្មោះដោយប្រើក្រដាស នឹងមិនត្រូវបានគេទទួលយកឡើយ។ ហើយជាសំខាន់នោះ គឺវ៉ឹបសៃថ៍ដែលជាវ៉ឹបសៃថ៍របស់រដ្ឋាភិបាលសហរដ្ឋអាមេរិក គឺ www.dvlottery.state.gov»។

យោងតាមសេចក្តីណែនាំពីស្ថានទូតសហរដ្ឋអាមេរិក បានឲ្យដឹងទៀតថា ដើម្បីអាចចូលរួមលេងឆ្នោតផ្សងសំណាង គឺពលរដ្ឋត្រូវមានលក្ខខណ្ឌដូចតទៅ ៖ ពលរដ្ឋនោះ ត្រូវមានកម្រិតវប្បធម៌ សញ្ញាបត្រមធ្យមសិក្សាចំណេះទូទៅ ឬសញ្ញាបត្រដែលមានតម្លៃស្មើ ពោលគឺត្រូវរៀនយ៉ាងហោចចប់ថ្នាក់ទី១២ ឬមួយមានបទពិសោធន៍ការងាររយៈពេល ២ឆ្នាំ នៅអំឡុងពេល៥ឆ្នាំចុងក្រោយនេះ។ ក្រសួងការងាររបស់សហរដ្ឋអាមេរិក នឹងប្រើប្រព័ន្ធ O*Net ដើម្បីវាស់បទពិសោធន៍ការងារនោះ។ ចំពោះលោកអ្នកដែលមិនបានបំពេញតាមលក្ខខណ្ឌទាមទារខាងលើនោះទេ នោះលោកអ្នកមិនអាចចូលរួមក្នុងកម្មវិធីឆ្នោតផ្សងសំណាងទៅរស់នៅ សហរដ្ឋអាមេរិកនោះឡើយ។

លោក Brian Lieke មានប្រសាសន៍គូសបញ្ជាក់ដែរថា ប្តីឬប្រពន្ធអាចមានសិទ្ធិដូចគ្នាក្នុងការដាក់ឆ្នោតផ្សងសំណាង ទៅរស់នៅសហរដ្ឋអាមេរិកនេះ។ មានន័យថា ទាំងប្ដី ឬទាំងប្រពន្ធ អាចដាក់ឆ្នោតផ្សងសំណាងក្នុងពេលតែមួយបាន ប្រសិនបើអ្នកណាម្នាក់ក្នុងចំណោមប្តី ឬ ប្រពន្ធ មានសំណាងជាប់ឆ្នោតនោះ គេអាចនាំសមាជិកនៃក្រុមគ្រួសាររបស់គេ ដែលមានទាំងប្តី ឬប្រពន្ធ និងកូននោះ ទៅរស់នៅលើទឹកដីសហរដ្ឋអាមេរិកនោះបាន។

លោក Brian Lieke មានប្រសាសន៍បន្ថែមតាមរយៈអ្នកបកប្រែថា ៖ «សម្រាប់ មនុស្សពេញវ័យ គាត់អាចធ្វើការដាក់ពាក្យក្នុងកម្មវិធីឆ្នោត DV ។ ឧទាហរណ៍ថា បើសិនជាយើងមានប្ដី ឬមានប្រពន្ធ ក៏យើងអាចដាក់បានដែរ បើសិនជាយើងមានកូន ក៏អាចដាក់បានដូចគ្នា តែកូនហ្នឹងត្រូវស្ថិតនៅក្រោមអាយុ ២១ឆ្នាំ បើសិនជាគាត់ឈ្នះ កូនៗហ្នឹងអាចទៅជាមួយបាន»។

លោកថ្លែងបន្តថា លោកអ្នកដែលជាប់ឆ្នោតផ្សងសំណាង គឺពេលនោះ នឹងទទួលបានសិទ្ធិរស់នៅលើទឹកដីសហរដ្ឋអាមេរិក ៖ «ប្រសិន ជាយើងបានត្រូវគេជ្រើសរើសនៅក្នុងកម្មវិធីឆ្នោត DV ហើយធ្វើការសម្ភាសន៍ជាប់បានវីសា[ទិដ្ឋាការ]ទៅសហរដ្ឋអាមេរិកនោះ គឺយើងអាចទៅរស់នៅទីនោះបានជារៀងរហូត។ នៅពេលដែលយើងទៅដល់ហ្នឹង គឺយើងនឹងទទួលបាន Green Card ជាកាតប្រជាជនមួយ ដែលយើងអាចរស់នៅទីនោះបាន»។

ជាមួយគ្នានេះ មន្ត្រីស្ថានទូតក៏មានប្រសាសន៍គូសបញ្ជាក់ដែរថា រហូតមកទល់ពេលនេះ ក៏នៅមានភ្នាក់ងារឯកជនមួយចំនួន កំពុងរកប្រាក់ចំណេញលើកម្មវិធីឆ្នោតផ្សងសំណាង ទៅរស់នៅសហរដ្ឋអាមេរិកនេះដែរ។

លោក Brian Lieke សង្កត់បញ្ជាក់ថា ភ្នាក់ងាររកស៊ីទាំងនោះ គឺមិនពាក់ព័ន្ធនឹងស្ថានទូតឡើយ ហើយគេកំពុងធ្វើសេវាកម្មភូតកុហក ចំពោះពលរដ្ឋទាំងឡាយដែលមានបំណងចង់ទៅរស់នៅសហរដ្ឋអាមេរិក ៖ «យើង បានដឹងថា មានប្រជាពលរដ្ឋមួយចំនួន គាត់បានទទួលជាសំបុត្រ ឬជាអ៊ីម៉េល ពីខាងអង្គភាពផ្សេងៗ ដែលមើលទៅហាក់ដូចជាខាងរដ្ឋាភិបាលសហរដ្ឋអាមេរិកអ៊ីចឹង តែប្រសិនបើលោកអ្នកបានទទួលសំបុត្រ ឬក៏អ៊ីម៉េលទាំងនោះ សូមមេត្តាប្រុងប្រយ័ត្ន។ បើសិនជាសំបុត្រ ឬអ៊ីម៉េលទាំងនោះ មិនបានចេញពីប្រភព www.dvlottery.state.gov។ ហើយខ្ញុំក៏សូមប្រាប់ផងដែរថា ការចុះឈ្មោះក្នុងកម្មវិធីឆ្នោត DV គឺមិនត្រូវបានបង់ប្រាក់ឡើយ។ ប្រសិនជាមាននរណាប្រាប់លោកអ្នកថា លោកអ្នកត្រូវតែធ្វើការបង់ប្រាក់ដើម្បីបានចុះឈ្មោះទៅក្នុង កម្មវិធីឆ្នោត DV នោះ គឺមិនពិតប្រាកដឡើយ»។

ទាក់ទិននឹងបម្រាមនៃឆ្នោតផ្សងសំណាងទៅរស់នៅសហរដ្ឋអាមេរិកនេះ ដែរ គឺមានពលរដ្ឋនៃប្រទេសយ៉ាងហោច២ គឺប្រទេសម៉ិចស៊ីកូ និងប្រទេសប៉ូឡូញ ដែលរដ្ឋាភិបាលសហរដ្ឋអាមេរិកមិនអនុញ្ញាតឲ្យចូលរួមដាក់ឆ្នោតផ្សង សំណាងនោះឡើយ។ ចំណែកឯក្រសួងការបរទេសសហរដ្ឋអាមេរិក ក៏ជូនដំណឹងដែរថា អ្នកជាប់ឆ្នោតផ្សងសំណាងទាំងឡាយ នឹងត្រូវជូនដំណឹងតាមរយៈសំបុត្រផ្លូវការតែប៉ុណ្ណោះ៕

Labels: សហរដ្ឋអាមេរិកុ

ទំព័រនៃមិត្តអ្នកអាន | អត្ថបទផ្សេងៗ

Tuesday, November 18, 2008

Governor Kep Chutema

គណបក្សប្រឆាំងនឹងគ្មានតួនាទីទេ

នាយករដ្ឋមន្រ្តីខ្មែរ បានប្រកាសជាសាធារណៈថា គណបក្សប្រឆាំងនឹងគ្មានតួនាទីទេ

Sunday, November 9, 2008

Hok Lundy Killed in Helicopter Crash - ឯកឧត្តម ហុក ឡងអី បានស្លាប់

ឧត្តមសេនីយ៍ប៉ូលីសជាតិ

ឯកឧត្តម ហុក ឡងអី បានស្លាប់នៅថ្ងៃអាទិត្យល្ងាច ដោយឧទ្ធម្ភាគចក្រធ្លាក់

Tuesday, November 4, 2008

លោក បារ៉ាក់ អូបាម៉ា ប្រធានាធិបតេយ្យទី៤៤

លោក បារ៉ាក់ អូបាម៉ា
ជាប់ជា
ប្រធានាធិបតេយ្យទី៤៤ នៃសហរដ្ឋអាមេរិក

បោះឆ្នោតជ្រើសរើសប្រធានាធិបតេយ្យ

បោះឆ្នោតជ្រើសរើសប្រធានាធិបតេយ្យ សហរដ្ឋអាមេរិក

Monday, November 3, 2008

ឆ្នោតផ្សងសំណាងទៅរស់នៅអាមេរិក

ឆ្នោតផ្សងសំណាងទៅរស់នៅអាមេរិកសម្រាប់ឆ្នាំ២០១០ចាប់ផ្ដើមហើយ

ទំព័រផ្សេងៗ

ប្រធានអត្ថបទ

អត្ថបទចាស់ៗ

ទំព័រនៃមិត្តអ្នកអាន | អត្ថបទផ្សេងៗ

Tuesday, November 18, 2008

Governor Kep Chutema

គណបក្ស​ប្រឆាំងនឹងគ្មាន​តួនាទី​ទេ

នាយករដ្ឋមន្រ្តីខ្មែរ បានប្រកាស​ជា​សាធារណៈ​ថា ​គណបក្ស​ប្រឆាំងនឹងគ្មាន​តួនាទី​ទេ

Sunday, November 9, 2008

Hok Lundy Killed in Helicopter Crash - ឯកឧត្តម ហុក​ ឡងអី បានស្លាប់

ឧត្តមសេនីយ៍ប៉ូលីសជាតិ

ឯកឧត្តម ហុក​ ឡងអី បានស្លាប់នៅថ្ងៃអាទិត្យល្ងាច ដោយឧទ្ធម្ភាគចក្រធ្លាក់

Tuesday, November 4, 2008

លោក​ បារ៉ាក់ អូបាម៉ា ប្រធានាធិបតេយ្យទី​៤៤

លោក​ បារ៉ាក់ អូបាម៉ា​ជាប់ជាប្រធានាធិបតេយ្យទី​៤៤ នៃសហរដ្ឋអាមេរិក

បោះឆ្នោតជ្រើសរើសប្រធានាធិបតេយ្យ

បោះឆ្នោតជ្រើសរើសប្រធានាធិបតេយ្យ សហរដ្ឋអាមេរិក

Monday, November 3, 2008

ឆ្នោត​ផ្សង​សំណាង​ទៅ​រស់​នៅ​អាមេរិក​

ឆ្នោត​ផ្សង​សំណាង​ទៅ​រស់​នៅ​អាមេរិក​សម្រាប់​ឆ្នាំ​២០១០​ចាប់​ផ្ដើម​ហើយ

ទំព័រផ្សេងៗ

ប្រធានអត្ថបទ

អត្ថបទចាស់ៗ

គណបក្សប្រឆាំងនឹងគ្មានតួនាទីទេ

នាយករដ្ឋមន្រ្តីខ្មែរ បានប្រកាសជាសាធារណៈថា គណបក្សប្រឆាំងនឹងគ្មានតួនាទីទេ

Hok Lundy Killed in Helicopter Crash - ឯកឧត្តម ហុក ឡងអី បានស្លាប់

ឯកឧត្តម ហុក ឡងអី បានស្លាប់នៅថ្ងៃអាទិត្យល្ងាច ដោយឧទ្ធម្ភាគចក្រធ្លាក់

លោក បារ៉ាក់ អូបាម៉ា ប្រធានាធិបតេយ្យទី៤៤

លោក បារ៉ាក់ អូបាម៉ា
ជាប់ជា
ប្រធានាធិបតេយ្យទី៤៤ នៃសហរដ្ឋអាមេរិក

ឆ្នោតផ្សងសំណាងទៅរស់នៅអាមេរិក

ឆ្នោតផ្សងសំណាងទៅរស់នៅអាមេរិកសម្រាប់ឆ្នាំ២០១០ចាប់ផ្ដើមហើយ